購物滿 HKD 600.00 即減 HKD 30.00 運費！（適用於 本地送貨、本地取貨 )

安日生活

安日新聞部

講到本周最熱🔥新聞一定係陳柏宇上THE FIRST TAKE 唱佢嘅首本名曲「你瞞我瞞」 啦。 等我哋又跟風報道吓呢件事啦~🤭 THE FIRST TAKE喺2023年1月16號發放影片上YouTube頻道，而喺短短嘅幾日裏面觀看次數已經超過240萬。影片更上了Hong Kong Trending嘅第一位🥇，十分驚人。 由於陳柏宇成爲首位可以喺THE FIRST TAKE🎌呢個日本頻道上亮相嘅香港歌手，有多間媒體公司更以歷史性嚟形容呢次事件。 雖然「歷史性」可能有少少吹大咗，但假如日後THE FIRST TAKE再與另一位香港歌手合作你哋會想係邊個呢😏？
Mobile image

冷知識時間～　豆知識タイム～

到底THE FIRST TAKE係何方神聖🤔？佢究竟係神仙嘅化身，定係地獄嚟嘅使者呢？🤣 THE FIRST TAKE喺2019年11月15日正式發放第一條片上YouTube。 主要影片都係搵一啲著名嘅歌手或樂隊一take過錄一首歌，所以先叫THE FIRST TAKE。 頻道製作主要喺日本🎌，所以搵嘅主要都係日本歌手。 之後THE FIRST TAKE為咗吸引更多觀衆就搵埋其他地區嘅歌手合作，包括香港，台灣，以及歐美歌手等。 但係THE FIRST TAKE用咩準則挑選歌手呢？ 如果你識黃子華嘅陰謀論你就知道事情冇咁簡單😏！ THE FIRST TAKE其實係由日本索尼音樂(SONY MUSIC)開設嘅YouTube音樂頻道，所以請嚟嘅歌手✨主要都係自己Sony旗下藝人。換另一個方式嚟講，好野梗係益翻自己友啦！ 睇翻，陳柏宇都係Sony旗下歌手所以咪有得上THE FIRST TAKE咯~ 喺香港其他比較出名嘅藝人包括黃妍，林奕匡，布志綸等。日後喺THE FIRST TAKE再見到港星嘅話，都應該係呢幾位啦。 唔知道大家最鍾意THE FIRST TAKE嘅邊首歌呢? 我就係DISH嘅猫🐱(Neko)，雖然milet×Aimer×幾田りら嘅おもかげ（Omokage）我都好鍾意>.<

極速5厘米日語教室

Good Morning Class~ 啱啱提到有首歌叫おもかげ（OMoKaGe)，今個禮拜就教呢個字啦！ 如果用漢字嚟寫呢個字嘅話有兩個，第一個寫法係「面影」，第二個係「俤」。 直譯可以譯做： 面貌;影像;迹象;痕迹 おもかげ（OMoKaGe)嘅意思亦都有兩個： 1. 心中所想嘅東西浮現喺眼前 2. 遺留喺記憶中他人嘅樣貌或身影 唔知道大家呢個禮拜聼得太多你瞞我瞞，心中嘅おもかげ會唔會都變咗陳柏宇呢？XD

本周推介產品

年又過年~🥳 之後好快又到情人節啦👩‍❤️‍👨~ 諗左買咩禮物送俾另一半未呢？！💝
未有任何商品
好感動啊！恭喜你睇到最尾。 記得Like, Comment 同 Share 去繼續支持我地呀！ 同埋Follow 我哋Facebook & Instagram 就可以即時知道更多有趣日本智訊及產品。