購物滿 HKD 600.00 即減 HKD 30.00 運費！（適用於 本地送貨、本地取貨 )

安日生活

安日新聞部

歡迎大家翻嚟安日新聞。 著名日本動畫導演新海誠終於有新作啦！🤩 「鈴芽的門鎖」又名「鈴芽戶締」（原名：「すずめの戸締まり」) 將於3月2號喺香港上映啦！ 呢套更係佢三年黎第一部作品。 套戯喺日本🎌已經上映了兩個幾月，至1月10號「鈴芽的門鎖」已取得121億日元票房嘅好成績，觀看人數更達到驚人嘅913萬人😱。 「鈴芽的門鎖」呢套戯原來係同東日本大地震有關，新海誠希望透過呢部動畫嚟提升觀衆對自然災害嘅認識。 ♻️意識良好嘅題材加上驚人嘅動畫令「鈴芽的門鎖」好評如潮。 唔知我哋班讀者裏面又有幾多位新海誠迷呢❓你哋最鍾意嘅新海誠電影又係邊一套呢？ 我呢啲老野最喜歡嘅新海誠作品冇得傾，肯定係秒速五厘米~！
Mobile image
Image 1
Image 2

冷知識時間～　豆知識タイム～

新海誠1998年出道至今25年，出過13部電影作品。 代表作包括✨ ：「秒速五厘米」，「言葉之庭」，「你的名字」，「天氣之子」，「鈴芽的門鎖」 唔知道大家又知唔知到2016年嘅「你的名字」日本票房高達250億日元，成爲史上票房最高🏆嘅日本動畫電影，打破宮崎駿「千與千尋」多年嚟記錄。 因此更有好多人將兩位動畫導演比較。 但本人認爲，兩位導演風格不同，各有千秋，都係打和啦Super~🥳

極速5厘米日語教室

Good morning class~ 學日文Timeです～ 今日就叫大家動漫嘅日本啦。 「アニメ」(ANiME) 相信好多人都有見過呢個字，尤其係個英文讀音Anime。因爲英文就係用呢個字嘅讀音Anime嚟當作動漫呢個字。 但如果大家記得前連個禮拜嘅日文教室就會注意到「アニメ」全係用片仮名寫，代表係外來語。 其實「アニメ」全寫係「アニメーション」，源自於英文嘅Animation。 最奇怪嘅係「アニメ」源於英文字，但最後又被用翻嚟做英文字。 媽，我好亂呀！

本周推介產品

廣告時間！💥 今個禮拜講動漫就sell翻動漫野同埋啲零食😋，咁就可以一邊睇動漫一邊食零食。
好感動啊！恭喜你睇到最尾。 記得Like, Comment 同 Share 去繼續支持我地呀！ 同埋Follow 我哋Facebook & Instagram 就可以即時知道更多有趣日本智訊及產品。