The First Take 又翻嚟香港啦！我上次嘅Sony剩係益自己旗下藝人嘅陰謀論原來係錯架。所謂世事難料，我日算夜算原來就係算漏咗喺香港紅到hihi嘅Mirror呀呀呀呀呀呀！！！！（Insert 鄭嘉穎.giff）
今次搵Mirror嘅 Jer X Jer = Jer嘅二次方。今次真係左青龍，右都係青龍，成爲真正嘅雙龍出海。
佢哋今次嘅表演歌曲係「人類群星閃耀時」(Stella Moments of Humankind)。今次Mirror上The First Take都係獲好評居多，短短一個禮拜點擊率就破一百萬大關。
除咗香港觀衆嘅支持，影片樓下嘅留言區更多出現爲日本網友嘅留言，大讚我哋香港嘅代表唱歌非常之有感染力同穿透力（算然我唔知道感染力同穿透力點解🤔）。
我哋一起嚟睇睇成功嘅例子~
Aka 考我翻譯能力嘅時間😓
本人沒有翻譯牌照或專業資格，如有譯錯小弟先喺到講聲Sor9ly。
網民09daina49就話：我第一次被日文以外嘅歌感動到。兩個把聲都好靚、好犀利，真係好想聼日文版~
初めて日本語以外の歌で感動したかも。二人とも声綺麗すぎるし、上手し日本語で聞いてみたいな～
網民user-pc3zo7rs8p的發言：雖然同日文嘅表達方式唔同但係啲歌詞真係好優美✨二人嘅默契同和諧感堪稱係毫無破綻❗搞到人不斷重複咁聼首歌✨即使我身在日本，但依然可以聼來自唔同國家Artist嘅歌曲真係好幸福🥺
日本とは表現の仕方が違いとても綺麗な歌詞でした✨二人の息もピッタリでハーモニーが素敵でした❗何回もリピートして聞いています✨日本でも国境を越えて沢山の国のアーティストの歌が聞けたら幸せです🥺
所以我成日都話網民嘅耳朵先係最雪亮嘅~
今次JerJer組合可謂光宗耀祖，期待日後更多香港歌手能獲得上The First Take嘅機會讓更多觀衆認識廣東歌。
咦！？呢個唔係一個説好香港故事嘅好時機咩？
機會嚟啦飛雲！ Pikachu I Choose You~
