各位網友，先祝大家復活節快樂。今日嚟講一位音樂界傳奇人物嘅故事。
日本著名音樂大師坂本龍一多年嚟與癌魔搏鬥，先喺2014被診斷患上咽喉癌，可惜康復後又喺2021年患上患直腸癌。最終喺2023年3月28日不敵病魔，享年七十一歲。
坂本龍一最爲人熟識嘅鋼琴歌曲非1983年嘅「Merry Christmas Mr Lawrence」莫屬，首歌係同名電影嘅主題曲，故事改至於1963年小説「The Seed and the Sower」譯述一個二戰時期被日軍占領嘅印尼爪哇島戰俘營裏度過嘅一個聖誕。主演包湯姆·康提（Tomi Conti）、北野武、搖滾天父 大衛·寶兒（David Bowie)等，坂本龍一除了作曲亦擔任主角一職飾演戰俘營長官。
「Merry Christmas Mr Lawrence」日文係「戦場のメリークリスマス」（Senjou no meri-kurisumasu），中文被譯成「戰場上的快樂聖誕」。電影裏探討了人性、同性戀、戰爭、友誼等不同議題，因此首歌俾人一種平靜卻又帶點哀傷嘅感覺。也許「快樂」裏面包含著因戰爭而起嘅不同矛盾心情。
我絕對推介大家睇呢部電影，同埋我係會俾5粒5**咁多。 ⭐ ⭐ ⭐ ⭐ ⭐
