講到呢個禮拜最轟動嘅新聞當然係日本AV界嘅兩大新聞。
一係傳奇女優「一哭二閙三上悠亞」宣佈將會喺今年八月正式隱退，好多男粉絲因此感到萬分絕望。更形容事件難以接受，就好似一個陪伴我哋長大嘅一部分突然間唔見咗咁。
但係同時間一班網民們都有值得高興嘅地方，就係日本AV界出現咗首位香港女演員。相信好多人都應該知道呢件事嘅細節我就唔多報道啦。（唔好問呀，冇seed呀，自己Google 啦！）同埋我哋作爲一個Family Friendly嘅平台呢啲野都係少講啲好。
講翻啱啱呢個禮拜最重要嘅事件，當然就係禮拜二嘅白色情人節啦~
日文白色情人節叫「ホワイトデー」(Howaito Dē) 係英文White Day嘅直譯讀音。注意一橫（-）係拉長個讀音咁解，デー大概會讀成（Dei）。
根據維基叔叔（世界上最可靠嘅資料庫）白色情人節喺1936年從西方國家引入到日本，但係呢個節日要等差唔多40年到70年代先被廣泛慶祝。與此同時經過40年歲月的洗禮後，日本慶祝白色情人節嘅方式亦都變得同西方國家唔同。
傳統上白色情人節都係一個女方表白嘅好日子，但係喺1977糖果店「石村萬盛堂」諗到推銷呢日俾男生去送翻禮物俾女仔，個活動叫「マシュマロデー」( Mashumaro Dē, 棉花糖之日)。到1978年正式成爲日本傳統，至今白色情人節變咗一個男生回禮嘅日子同埋一個回應女生2.14嘅告白的好方式。
日本情人節流程：
-2.14 女生告白，送禮物俾心儀對象
-3.14 男生回禮俾翻自己喜歡嘅對象
有回禮 = 接受告白
冇回禮 = 做隻貓做隻狗不做情人 😞
